Amsan tuni Pathian in I programme te buai na bang ma um lou a mang thei ah ei kawi ziak in iki pak thu I vak gen ma sa hi
Tuni hun ah ngai na tak ah ei hun uap a I websia te ei hun hawn piak za um Pu.Khatkhawtong Baite VPC President, Pu.SN.John President Zillai Hq, chule Pu.Thangbawi SDO Churachandpur, SDO Kangvai,Pi.Grace Zamnu MDC chule Compere ah eipan piak Nungak Rosy Neihsial le hung khawm tute zosia la bawn un kakipak na sang tak ka hun gen masak hi henla.
Hun ki bichil tak mai kal ah chial na ngai khawk ah la hun pan thei na chung un ka kipak tak zet a. Kipak na a thu mai a ka gen bep hi lou in, kipak na an kuang, tui in tui ta kileh, a hung te zosia’n dan le a ne chiat ding in le chial na ka hun bawl hi.
Masang a lawi up ate gen gual in,Social media hi tulai khang a ding a thilpawi maw mama ahung hi taw ki tawn in,ka he puai tihtei hita lou ahi na ah,mi a gual hi chethi ki ma leh nei thei tei ahi na ding in pan ala ki la, nivei pan san ah siam ahi nung in a thumvei nah un ki siam dawk thei hamham ahi.A nivei te chu ahi le Hacker te hapan na zal in a hung suse zel ua,zia gual lak ah secure tak ah siam daw ahi thei tei na ding in thei tawp ahun ki sua a, a thum vein a hi hung ki siam dawk thei ham ham ahi.
A tawp na pen a ka vak gen nawp pen chu ahileh ,Tuni I hawn daw websites te hi mi te demsiat na mai a mat ding aki phal pua,khang thak te lamhil tu ahun hi a,I Gam,I nam leh I society ading bep hilou ah Chanchinpha the zak tu lopi tak ah mat a hi kaki nem hi.
Hung khawm tu te leh simtu te zosia Lalpan hun malsawl chiat ta hen.
