Damthei na ding ah chun, I nisin tawidan leh nasep te apat pil van akul takzet hi.
Nitak lupkuan ah kisuk thian ah lup hi ala pha chuam mama hi, Numeite hi zingkal thaw leh aki su thiang deu sek ui,zia chu le ase diak puai,ahinla zingkal lam ki sukthian gual leh ki chei gual dan ah nitak lam le bawl ding ti na ahi diak puai,Pawsal te chu zingkal i thaw le maiphiat ahi deu pen hi,chun office kai dite office chia kuan ah vak ki buak thak leh nitak lam lup kuan ah keng sil ti bang afel deu te chin dan ahi.
I lup ding phat leh ahilo le ilup ma le ti thei, ama sa pen in Hanawt hi chin zawng sak apawi maw mama hi. Ha nawt kawm ah mai vak phiat le ase diak puai, Nitak na sem zo kisil chiat chu hidikom, ahin la, i lupkuan ah Vak ki suk thian hi a lul mama hi,Adiak ah Tonsil nei te ading vang in hanawt leh kamkhua hi a pawi maw mama hi. Zia te hi la bawl zing chun, dawmdawi nek ah thakhat pi damsang in a dawi um zawi. i gawl leh ikam hi a thian lo chun, natna chuam chuam i val lut thei hi,adiak in Naupang lai in hut bang le avei ut diak ui. Piting nung in le Kamsung suk thian zing ahilo chun, Tonsil,Sinus leh luchang na ti haw a um thei sek hi. Zingkal lam gual ah powder leh lipsticks tite vaki nu sese khel talo ma le hin,thiangtho tak ah ikhut leh keng te lotion i nei dandan vak kinu chu mipangai chin dan ahi.
Hasan, Kuava le theilo, Talab le nelo,Dumzial le cheplo maleh achep te asang ah Hahawilo zaw tile aki umhi. Zia te haw ading vang ah chun, Lupkuan hanawt leh kamchitui ah vak khua chin zawngsak thei le chin,Ha chu hun vam set ta ding ahi. Kam ui hi halung nek ziak ah le ahi sek ah,Kamkhualo ziak leh ha nawtlo ziak sese ahi puai,Sunglam hatlo ziak a hi deupen sek hi.
Jerusalem Clinic & Diagnostic Centre Since 2012.
Jerusalem Clinic & Diagnostic Centre Churachandpur, Lamka, Manipur, India.
TO OFFER BEST MEDICAL SERVICES
To build a chain of quality health care by compassionate medical professionals;accessible and affordable to all.
